Schnitzelbangg 2005

Nachfolgend die ungekürzte Fassung der Schnitzelbangg welche an der von Urs Günti und Fil Matter organisierten und mit (echtem) Basler Beppizüügs hochgetuneten Sommerendparty einmalig präsentiert wurde: 

Me het ihn gseh so guet aglegt wie nie
Jä wohär het den dä di neye Glaidr, nundedie?
In Torbole isch är jede Daag go Lümpe poschte, wie vrsässe
He Günti, dass chunt drvo wenn d'Täsche duesch vrgässe!

Am Therry isch ä Schurnalischt vrloore gange
Definitiv hebt är au am Ferschtr dStange
Mä gseht en jetzt im Wald mit dr Axt am Holze
Dort kenne denn d BBTs am Sundig durebolze

Uf Oberembrach hämr wölle go bloche
Durch Büsch und Unchrut simr kroche
Er söll doch liebr s fiere vrgässe
Und sich uf dr Winterthurer-Rundi an dr Stählikannte mässe

Unsere Jangschtr mir findes wahnsinnig grandios
Het d Jura Briefig bestande ganz famos
Bim Transalp zwar het är kai Mieh
Doch z Embrach muess ihn d Bolizei dr Hügel ufezieh

Wenn dis Mauntenbaigg tuesch verlümmele
Und nur no uf dr Stroos gosch go gümmele
Uf s Training mit de BBTs tuesch vrzichte
Hesch im Herbscht, gäll Theresli Frei, offroad eifach nütmeh z brichte

Vor öppe me Johr bini mit em Hund no go tschumple
Do bin i verschrogge doo hinte im Dungle
Do sin ä paar Wildi go baigge durch d Nacht
Fascht alli häns chöne nur aine isch ins Schissihüsli kracht

Übr dr Dani mache mir nur ä churze Raim ...
Will am Sunntig blibt är liebr dehäim

Äs rägnet, schneit und haglet scho
Nur einä an dr Poscht duet stoh
Wenn abr dr Downhill am Laubbärg nur duesch abelaufe
Chasch glaubi langsam dis Rocky Mountain go vrkaufe

Dr Mischtr www.buelibiketiger punggt ze ha
Het scho villi lange Siegesrede gha
Drum hän mir 2005 uf dr Grölli vrzichtet, he jo
So sin mir nit bsoffe und chönne rächtzyitg heime go

72cm um die hoorlose Obrschänke gmässe
Doch in letschtr Zyt nur uf sim blaue Töff isch gsässe
Das är sich mit sine hoorige Bai nit duet schiniere
Dr fetti Reife vor dr Haarley muess är wenigschtens nit Rasiere

Haarley, Haarley, Haarley, Haarley
Haarley, Haarley, Haarley, Haarley
Jä Haarley, Haarley, Haarley, Haarley
Haarley, Haarley, Haarley, Heinzley

Dr Gröllheimer isch dr wichtigscht Cöp im Unterland
Alli Johr hän mir dä duregfiert s isch allerhand
Nur Disjohr hän mir dä Grölli usgloh
Denn bi dr Prisvrleyig cha dr Gewinner sowieso nümme stoo

Dr Obelix hät si freid, an so emne Zaubrdrang, Crambamoli söll er heisse
Dr fetti Mike chas kum lo und duet scho widr aine anschmeisse
Jä jä e Begegnig mit em Crambouloilouiliouliou ..
Gäll Andi. Schubi dubi du

E sunndig Morge wie im Bildbuech, e scheene Herbschtdaag kai nasse
Do will doch eine vo de BBTs schon am achti go fahre kasch es kum fasse
S schient das är ganz elai isch go baigge, o jemine
... sit här het me en nümme gseh!

Bin ych doch neylig in Coop go poschte, s haut di fascht in d Binse
Sait doch eine, bisch doch vo de Büli Bike Tigers, gäll und duet grinse
Ha ghört sait doch dä, ir nämmet sit neyschtem au Lyt wo dien stottere
Jä nai do duesch di tüsche das isch dr Steffi wo duet Schlottere

Es wisses Velo het me bi uns scho lang nüm gseh
Das mit em frienr heigo isch alte Schnee
Si Name sueche mr ganz vrsässe
Wüsse dir ihn? Mir han en fascht vrgässe

Es Reh verschriggt und isch völlig verdatteret
Wills chrost und chratzt und schuurig ratteret
Nai, sisch nid dr Filip mit sinere grosse Rehre
Sisch nur sis Velo wo im Wald no viiil meh duet stere

Ä Tiger am Buuch und ä Tiger am Rugge
Do hesch kai Angscht me duesch nid mol me zugge
Nur no dähai muesch jede Sunntig no zittere
Chan i am 9i goh oder muess i äscht no chli flittere

Dr Hans chunnt nit oft und isch chli
Abr bärguff isch är immr z forderscht drby
Im Momänt isch uns das Wurscht
Jetzt hän mit gneug gseit und händ durscht

Sali zämme